اسلام آباد۔ 25 جون (اے پی پی) سپیکر قومی اسمبلی سردار ایاز صادق جنوبی وزیرستان اچ بھارتی اسپانسرڈ دہشت گرداں دے خلاف کامیاب آپریشن تے سیکیورٹی فورسز کوں خراج تحسین پیش کریندیں ہوئیں آپریشن اچ شہید میجر معیز عباس اَتے لانس نائیک جبران اللہ کوں خراجِ عقیدت پیش کیتا۔ بدھ کوں آپݨے سنیھے اچ سپیکر آکھیا جو جری سپوتاں 11 بھارتی اسپانسرڈ دہشت گرداں کوں واصلِ جہنم کر تے بہادری دی مثال قائم کیتی۔ سپیکر شہداء دے گھر آلیاں نال دلی تعزیت اَتے یکجہتی دا اظہار کریندیں ہوئیں آکھیا جو قوم تہاݙے ݙکھ اچ برابر دی شریک اے۔ انہاں آکھیا جو قوم آپݨے بہادر سپوتاں دیاں قربانیاں کوں کݙاہیں نہ بھلسی، میجر معیز عباس اَتے لانس نائیک جبران اللہ بھارتی سرپرستی اچ تھیوݨ آلی دہشت گردی کوں ناکام بݨایا، شہداء دشمن دے ناپاک عزائم خاک اچ مِلا ݙِتے، انہاں دی قربانی کوں ہمیشہ یاد رکھیا ویسی۔ انہاں دا آکھݨ ہا جو اساکوں آپݨی مسلح افواج اَتے انہاں دے بہادر جواناں تے فخر اے، دشمن انہاں جواناں دی موجودگی اچ آپݨے مذموم عزائم اچ کامیاب نئیں تھی سڳدا۔ سپیکر سردار ایاز صادق شہداء دے درجات دی بلندی اَتے لواحقین کیتے صبر جمیل دی دعا کیتی۔
