شہید میجر سید معیز عباس شاہ دی نمازِ جنازہ راولپنڈی اچ ادا، آبائی علاقے اچ سپرد خاک کیتا ویسی

راولپنڈی۔ 25 جون (اے پی پی) میجر سید معیز عباس شاہ شہید دی نمازِ جنازہ چکلالہ گیریژن راولپنڈی اچ ادا کیتی ڳئی۔ او جنوبی وزیرستان دے علاقے سراروغہ اچ بھارتی حمایت یافتہ “فتنہ الخوارج” دے خلاف آپریشن اچ شہید تھی ڳئے ہن۔ چیف آف آرمی سٹاف فیلڈ مارشل سید عاصم منیر، وفاقی وزیر داخلہ، اعلیٰ عسکری تے سول افسراں اَتے جواناں نماز جنازہ اچ شرکت کیتی۔ 37 سالہ شہید میجر معیز عباس دا تعلق ضلع چکوال توں اے۔ بدھ کوں آئی ایس پی آر توں جاری بیان موجب آرمی چیف فیلڈ مارشل سید عاصم منیر آکھیا جو میجر سید معیز عباس شاہ جرات تے بہادری دے نال دشمن دا مقابلہ کریندیں ہوئیں آپݨی جان دا نذرانہ پیش کیتا اَتے بہادری، قربانی اَتے حب الوطنی دی اعلیٰ مثال قائم کیتی۔ پوری قوم انہاں دی قربانی تے فخر کریندی اے اَتے ملکی دفاع کیتے انہاں دی قربانی کوں سلام پیش کریندی اے۔ اساں آپݨے شہداء دے مقروض ہیسے۔ اساݙے شہداء دا مقدس خون قومی استحکام دا ستون اے۔ شہید دا جسد خاکی انہاں دے آبائی علاقے پڄا ݙا ڳئے جتھاں انہاں کوں مکمل فوجی اعزاز دے نال سپرد خاک کیتا ویسی۔