گھٹ اخراج دے باوجود پاکستان موسمیاتی تبدیلی توں شدید متاثرہ ملکاں اچ شامل اے،وفاقی وزیر موسمیاتی تبدیلی ڈاکٹر مصدق ملک

اسلام آباد۔ 25 جون (اے پی پی) وفاقی وزیر موسمیاتی تبدیلی اَتے ماحولیاتی رابطہ ڈاکٹر مصدق ملک آکھیے جو پاکستان موسمیاتی تبدیلی توں شدید متاثرہ ملکاں اچ شامل اے۔ اے ڳالھ انہاں اتھاں سینیٹ دی قائمہ کمیٹی موسمیاتی تبدیلی کوں بریفنگ اچ آکھی ۔ انہاں آکھیے جو پاکستان کوں موسمیاتی فنڈنگ اچ عالمی برابری اَتے خصوصی توجہ دی لوڑھ اے۔ وفاقی وزیر موسمیاتی تبدیلی اَتے ماحولیاتی رابطہ آکھیے جو پاکستان اپݨیاں عالمی ذمہ واریاں دے تحت 37 فیصد گھٹ کاربن خارج کیتے، باوجود گھٹ اخراج دے پاکستان موسمیاتی تبدیلی توں شدید متاثرہ ملکاں اچ شامل اے۔ڈاکٹر مصدق ملک آکھیے جو 7 وݙے ملک 70 فیصد کاربن مرکبات خارج کریندن جݙاں جو 85 فیصد گرین فنانسنگ وی انہاں ملکاں کوں مِلدی پئی اے۔ انہاں آکھیے جو پاکستان دے ݙو ہمسایہ ملک دنیا دے وݙے کاربن اخراج کنندگان اچ شامل ہن۔ وفاقی وزیر موسمیاتی تبدیلی پاکستان دی نینگر نسل کوں گرین معیشت دا علمبردار بݨاوݨ دے عزم دا اظہار کریندے آکھیے جو وزارت نوجوان ماحولیاتی کاروباری لوکاں کوں عالمی سرمایہ کاراں نال جوڑݨ اچ معاونت ݙیسی جیڑھا جو وزارت جاری منصوبیں دی تکمیل تے توجہ ݙیسی۔