منشیات دے استعمال دا ودھدا ہویا خطرہ ہر معاشرے کیتے چیلنج بݨ ڳئے، وفاقی وزیر داخلہ محسن نقوی دا سنیھا

اسلام آباد۔ 26 جون (اے پی پی) وفاقی وزیر داخلہ تے نارکوٹکس کنٹرول محسن نقوی آکھیا جو منشیات دے استعمال دا ودھدا ہویا خطرہ ہر معاشرے کیتے چیلنج بݨ ڳئے، پاکستان نیشنل اینٹی نارکوٹکس پالیسی دے تحت منشیات دے استعمال اَتے سمگلنگ دے خلاف جامع اقدامات کیتن اَتے اے این ایف دا ایں بارے کردار قابل ستائش اے۔ اقوام عالم کوں سانجھے اقدامات نال منشیات دے استعمال دے اڳوں بند بݨݨا پوسی۔خمیس کوں منشیات دے استعمال تے غیر قانونی سمگلنگ دے خلاف عالمی ݙین٘ہ تے َپݨے سنیہط اچ وزیر داخلہ آکھیا جو منشیات دے استعمال دا ودھدا ہویا خطرہ ہر معاشرے کیتے چیلنج بݨ ڳئے، اقوام عالم کوں سانجھے اقدامات نال منشیات دے استعمال دے اڳوں بند بݨݨا پوسی، پاکستان ایں جنگ اچ دنیا دے نال کھڑے۔ انہاں آکھیا جو پاکستان نیشنل اینٹی نارکوٹکس پالیسی دے تحت منشیات دے استعمال اَتے سمگلنگ دے خلاف جامع اقدامات کیتن اَتے اے این ایف دا ایں بارے کردار قابل ستائش اے، اے این ایف دے افسراں اَتے جواناں منشیات توں پاک معاشرے دی جدوجہد اچ قیمتی جانیں قربان کیتن، اے این ایف دے شہداء دی عظیم قربانیاں کوں خراج عقیدت پیش کریندوں۔وزیر داخلہ آکھیا جو قوم سارے شہداء کوں سلام پیش کریندی اے جنہاں اے جنگ آپݨے خون نال لڑی، اے عزم اساݙی اجتماعی طاقت دی علامت اے۔ محسن نقوی  آکھیا جو منشیات دے استعمال اَتے سمگلنگ دے خلاف جنگ جتݨ کیتے ساریاں کوں رَل تے کم کرݨا پوسی، منشیات توں پاک معاشرہ نویں نسل دا حق اے اَتے اے حق انہاں کوں ݙے تے رہسوں، منشیات فروش انسانیت اَتے نوجوان نسل دے بدترین دشمن ہن، ایجھا عناصر کوں نشان عبرت بݨاوݨ دا قومی عزم رکھدے ہن۔ وزیر داخلہ آکھیا جو آؤ منشیات دے استعمال اَتے سمگلنگ دے خلاف اساں ہک صحت مند معاشرے دی تشکیل کیتے آپݨیاں کوششاں کوں ٻیا مضبوط بݨاوݨ دے عزم دا اعادہ کروں۔