پشاور۔ 27 جون (اے پی پی) دریائے سوات اچ سیلابی ریلے اچ 18 افراد وَہہ ڳئے۔ مقامی لوکاں دے مطابق ݙُٻݨ آلے سیاح ہن جو سوات ٹرݨ پھرݨ آئے ہن۔ بڈݨ آلے بندے بائی پاس دے مقام تے دریا اچ پھس ڳئے ہن جو پاݨی دے بہاؤ نال وَہہ ڳئے۔ ڈائریکٹر جنرل ریسکیو 1122 خیبر پختونخوا شاہ فہد دے مطابق دریائے سوات اچ سیلابی ریلے اچ کئی بندیاں دے وَہݨ دی اطلاع تے ریسکیو 1122 سرچ آپریشن شروع کر ݙتے۔ ریسکیو 1122 ہݨ تئیں 4 افراد دے جسد خاکی کڈھ ڳِھدن۔ ریسکیو 1122 ولوں 5 مختلف ڄہیں تے سرچ آپریشن جاری اے۔ انہاں آکھیا جو ریسکیو 1122 دے 80 اہلکار سرچ آپریشن اچ حصہ گھندے پئن۔ پاݨی دے تکھے بہاؤ دے باوجود ریسکیو 1122 دیاں امدادی کارروائیاں جاری ہن۔
