اسلام آباد۔ 27 جون (اے پی پی) وزیراعظم محمد شہباز شریف نال ارکان قومی اسمبلی ابرار شاہ، طاہر اقبال، صلاح الدین جونیجو، جام عبد الکریم بجار، عبد القادر گیلانی اَتے سردار یعقوب خان ناصر ملاقات کیتی۔ جمعه کوں وزیراعظم آفس دے میڈیا ونگ توں جاری بیان موجب ملاقات اچ ارکان قومی اسمبلی وزیراعظم کوں آوݨ آلے مالی سال دے بجٹ دی قومی اسمبلی توں منظوری تے مبارخ ݙتی۔ ایں موقع تے متعلقہ حلقیاں دے معاملیاں تے وی ڳالھ مہاڑ کیتی ڳئی۔ ملاقات اچ وزیر برائے پبلک افیئرز یونٹ رانا مبشر اقبال، وزیر مملکت برائے پاور عبد الرحمن کانجو اَتے معاون خصوصی طلحہ برکی وی موجود ہن۔
