اسلام آباد۔ 27 جون (اے پی پی) نائب وزیراعظم اَتے وزیر خارجہ سینیٹر محمد اسحاق ڈار دی صدارت اچ یوریا دی قیمتاں اچ استحکام کوں یقینی بݨاوݨ کیتے وزیراعظم دی طرفوں تشکیل ݙتی ڳئی کمیٹی دا اجلاس تھیا۔ نائب وزیراعظم دے دفتر توں جاری بیان موجب، اجلاس اچ وزیراعظم دے معاون خصوصی طارق باجوہ، وزیر پٹرولیم، زراعت و صنعت دے وفاقی سیکریٹریز اَتے اعلیٰ حکام شرکت کیتی۔ کمیٹی یوریا دے سٹاک دی سطح اَتے قیمت اچ استحکام تے اطمینان دا اظہار کیتا اَتے یوریا سیکٹر کوں گیس دی فراہمی 30 ستمبر 2025ء تئیں ودھاوݨ دا فیصلہ کیتا تاں جو ایں دی مسلسل دستیابی کوں یقینی بݨایا ونڄ سڳے۔
