لاہور۔ 28جون (اے پی پی) پی ڈی ایم اے صوبہ اچ مینھ تے اندھاری پاروں حادثیں دی رپورٹ جاری کرݙتی ، اڄوکے زور دے مینھ وسݨ پاروں چھتاں تے کندھ ڈھݨ دے مختلف واقعات رپورٹ تھئن۔پی ݙی ایم اے دے ترجمان موجب 25 توں 27 جون تئیں مختلف شہراں اچ 25 حادثیں رپورٹ تھئن ، جنہاں اچ 12 لوک جاں بحق جݙاں جو 39 زخمی تھی ڳئے۔ چھتاں اَتے کندھ ڈھݨ دے مجموعی طور تے 28 واقعات بہاولنگر، فیصل آباد اَتے خانیوال اچ رپورٹ تھئن۔ ڈی جی پی ݙی ایم اے عرفان علی کاٹھیا زخمیاں کوں بہترین طبی امداد ݙیوݨ دی ہدایت کریندے آکھیے جو وزیراعلیٰ پنجاب دیاں ہدایات موجب جاں بحق تھیوݨ آلے لوکاں دے لواحقین دی مالی معاونت ݙتی ویسی۔ ڈی جی پی ݙی ایم اے شہریاں توں اپیل کیتی جو خراب موسم دی صورت اچ غیر ضروری سفر نہ کرن۔ مخدوش و بوسیدہ مکاناں اچ ہرگز رہائش اختیار نہ کرن۔ ٻالاں دا خیال رکھن، برساتی نالیں و بجلی دیاں تاراں اَتے کھمبیں دے نیڑے اصلوں نہ ونڄن ۔ ہنگامی صورتحال اچ پی ڈی ایم اے ہیلپ لائن 1129 تے رابطہ کرن۔
