لاہور۔ 28 جون (اے پی پی) آوݨ آلے چوووی گھنٹے اچ صوبائی دارالحکومت لاہور سودھے پنجاب دے ٻہوں سارے ضلعیں اچ موسم جُھڑ آلا رہݨ تے کھمݨ گاجاں نال مینھ وسݨ دا امکان اے۔ترجمان محکمہ موسمیات موجب آوݨ آلے 24 گھنٹے اچ لاہور سودھے پنجاب دے ٻہوں سارے ضلعیں گوجرانوالہ، حافظ آباد، سیالکوٹ، نارووال، گجرات، منڈی بہاؤالدین، سرگودھا، خوشاب، میانوالی، بھکر، قصور، شیخوپورہ، فیصل آباد، جھنگ، ٹوبہ ٹیک سنگھ، ساہیوال، اوکاڑہ، ملتان، لودھراں، ڈی جی خان، لیہ، بہاولپور، بہاولنگر اَتے رحیم یارخان دے ضلعیں اچ کہیں کہیں جاہ تے تکھی ہوا گُھلݨ تے کھمݨ گاجاں نال مینھ وسݨ دا امکان اے ۔گزریل چووی گھنٹے لاہور، نارووال، سیالکوٹ، قصور، اوکاڑہ، بہاولنگر اَتے ، رحیم یار خان ، خان پور ، اچ کجھ جہیں تے اندھاری تے کھمݨ گاجاں نال مینھ تھیا ۔ لاہور اچ گھٹ توں گھٹ درجہ حرارت 27 اَتے ودھ توں ودھ 37 سنٹی گریڈ ریکارڈ کیتا ڳئے جݙاں جو ہوا اچ نمی دا تناسب 55 فیصد رہیا۔
