اسلام آباد۔ 28 جون (اے پی پی) وزیراعظم محمد شہباز شریف آکھیے جو عدالتی فیصلے نال پاکستانی بیانیہ کوں تقویت ملی اے، بھارت ہک طرفہ طور تے سندھ طاس معاہدہ معطل نی کرسڳدا، آبی وسائل تے کم کریندے پیوں ، پاݨی اساݙی لائف لائن اے۔وزیراعظم دفتر پریس ونگ توں جاری بیان موجب وزیراعظم محمد شہباز شریف سندھ طاس معاملے دے حوالے نال مستقل ثالثی عدالت (Permanent Court of Arbitration) دے تحت ثالثی عدالت دی طرفوں ݙِتے ڳئے ضمنی ایوارڈ دا خیرمقدم کریندے آکھیے جو عدالتی فیصلے نال پاکستانی بیانیہ کوں تقویت ملی اے، بھارت ہک طرفہ طور تے سندھ طاس معاہدہ معطل نئیں کرسڳدا۔ انہاں آکھیا جو آبی وسائل تے کم کریندے پیوں ، پاݨی اساݙی لائف لائن اے۔ وزیراعظم محمد شہباز شریف وفاقی وزیر قانون اعظم نذیر تارڑ اَتے اٹارنی جنرل منصور عثمان اعوان دیاں کوششاں دی وی تعریف کیتی۔
