اسلام آباد۔ 29 جون (اے پی پی) قومی اسمبلی ݙوجھے پارلیمانی سال دے پہلے چار مہینے اچ 13 حکومتی اَتے 4 پرائیویٹ ٻلز منظور کیتن۔قومی اسمبلی سیکرٹریٹ دے ذرائع موجب، ݙوجھے پارلیمانی سال دا آغاز 1 مارچ 2025 توں تھیا ہئی، ایں دوران قومی اسمبلی اچ فنانس ٻل سودھے 13 حکومتی ٻلز پاس تھئے۔ انہاں اچ فنانس ٻل 2025، ایکسپلوسیو ترمیمی ٻل 2025، پاکستان نیوی ترمیمی ٻل 2025، انکم ٹیکس ترمیمی ٻل 2025، فیڈرل بورڈ آف انٹرمیڈیٹ اینڈ سیکنڈری ایجوکیشن ترمیمی ٻل 2025، اینٹی ڈمپنگ ڈیوٹیز ترمیمی ٻل 2025، سول سرونٹس ترمیمی ٻل 2025، آف دی گرڈ کیپٹیو پاور پلانٹس لیوی ٻل 2025، سپیشل ٹیکنالوجی زون اٹھارٹی ترمیمی ٻل 2025، قومی کمیشن حقوق اقلیتاں ٻل 2025 منظور کیتے ڳئن۔ایں دوران4 پرائیویٹ ممبرز ٻلز وی منظور کیتے ڳئن جنہاں اچ تجارتی تنظیماں ݙوجھی ترمیم ٻل 2025، اسلام آباد کیپیٹل ٹیریٹری چائلڈ میرج ریسٹرینٹ ٻل 2025، دی انٹرنیشنل ایگزامنیشن بورڈ ٻل 2025 اَتے گھرکی انسٹیٹیوٹ آف سائنس و ٹیکنالوجی ٻل 2025 شامل ہن۔واضح رہے جو اے پارلیمانی سال فروری 2026 کوں مک ویسی ۔ قومی اسمبلی دا پارلیمانی سال مارچ توں فروری تئیں دا ہے ۔ پہلے پارلیمانی سال اچ کل 9 نجی اَتے 38 حکومتی ٻلز منظور کیتے ڳئن۔ ایں دے مقابلے اچ اڄوکے پارلیمانی سال دے پہلے کوارٹر اچ ہی 4 پرائیویٹ اَتے 13 حکومتی ٻلز منظور کیتے ڳئن۔
