راولپنڈی ۔29 جون (اے پی پی) سکیورٹی فورسز بلوچستان دے ضلع دکی اچ انٹیلیجنس تے مبنی آپریشن دے دوران ہندوستانی پراکسی، فتنہ الہندوستان توں تعلق رکھݨ آلے 2 بھارتی سپانسر دہشت گرداں کوں جہنم واصل جݙاں جو ݙو دہشت گرداں کوں گرفتار کر ڳھدے۔پاک فوج دے شعبہ تعلقات عامہ (آئی ایس پی آر) توں جاری پریس ریلیز موجب سکیورٹی فورسز 28 جون 2025 کوں بلوچستان دے ضلع دکی اچ ہندوستانی پراکسی، فتنہ الہندوستان توں تعلق رکھݨ آلے دہشت گرداں دی موجودگی دی اطلاع تے انٹیلیجنس تے مبنی آپریشن کیتا۔ آپریشن دے دوران سکیورٹی فورسز مؤثر انداز اچ بھارتی سپانسر دہشت گرداں دے ٹھکاݨے دا سراغ لاتا اَتے شدید فائرنگ دے تبادلے اچ ݙو بھارتی سپانسر دہشت گرداں کوں جہنم واصل کر ݙتا ڳیا جݙاں جو ݙو دہشت گرداں کوں گرفتار کر ڳھدا ڳئے۔ بھارتی سپانسرڈ دہشت گرداں توں اسلحہ، گولہ بارود اَتے دھماکہ خیز مواد وی برآمد کیتا ڳئے جیڑھا جو علاقے اچ دہشت گردی دیاں ٻہوں ساریاں کاروائیاں اچ سرگرم ہن۔آئی ایس پی آر آکھیے جو علاقے اچ پاتے ون٘ڄݨ آلے کہیں وی ݙوجھے دہشت گرد دا صفایا کرݨ کیتے سینی ٹائزیشن آپریشن کیتا ویندا پئے، پاکستان دی سکیورٹی فورسز ملک توں ہندوستانی سپانسر شدہ دہشت گردی دی لعنت کوں ختم کرݨ کیتے پرعزم اے اَتے دہشت گردی دے مرتکب لوکاں کوں انصاف دی کچاری اچ گھن آوݨ کیتے قوم دے غیر متزلزل عزم دی تصدیق کریندن۔
