وزیراعظم شہباز شریف دا ترکیہ اچ جنگل دی بھیانک ٻھاہ تے عوام نال ہمدردی، ہر طرح دے تعاون دی پیشکش

اسلام آباد۔ 1 جولائی (اے پی پی) وزیراعظم محمد شہباز شریف ترکیہ دے صوبے ازمیر وچ جنگل دی بھیانک ٻھاہ کھنڈݨ تے ترک عوام نال ہمدردی اتے یکجہتی دا اظہار کیتے اتے ہر طرح دے تعاون دی پیشکش کیتی اے۔ منگل کوں سوشل میڈیا دی ویب سائٹ ایکس (سابقہ ٹویٹر) تے ہک پوسٹ وچ وزیراعظم آکھیا جو ازمیر صوبے وچ جنگل اچ کھنڈݨ آلی تباہ کن ٻھاہ تے ٻہوں ݙکھ تھیے۔ میں ایں اوکھے ویلھے آپݨے پیارے بھرا صدر رجب طیب اردگان اتے ترک عوام نال دلی ہمدردی کرینداں۔انہاں آکھیا جو اساں امید کریندوں اتے دعا منگدوں جو جانی اتے املاک دے ڳھٹ توں ڳھٹ نقصان نال ٻھاہ تے جلدی قابو پا ڳِھدا ویسی۔ انہاں آکھیا جو پاکستان آپݨے بہادر اتے ہمت آلے ترک بھراواں اتے بھیݨیں نال مکمل یکجہتی کریندے اتے اوکھے ویلھے وچ ہر طرح دی مدد ݙیوݨ کیتے تیاراے۔