اسلام آباد۔ 1 جولائی (اے پی پی) وفاقی وزیر داخلہ محسن نقوی مستونگ وچ لیویز لائن اتے سرکاری املاک تے فتنہ الہند دے حملے دی مذمت کیتی اے۔ منگل کوں آپݨے ہک بیان اچ وزیر داخلہ محسن نقوی فتنہ الہند دے دہشتگرداں دا حملہ ناکام بݨاوݨ تے ایف سی (FC)، سی ٹی ڈی (CTD) اتے لیویز دے بہادر پُتراں کوں خراج تحسین پیش کیتے۔ اوہناں فتنہ الہند دے ݙو دہشتگرداں کوں جہنم واصل کرݨ تے ایف سی، سی ٹی ڈی اتے لیویز دی پیشہ وارانہ صلاحیتاں دی تعریف کیتی۔انہاں ایں گالھ تے زور ݙتا جو ایف سی، سی ٹی ڈی اتے لیویز فوری اتے مؤثر ردعمل دے ذریعے فتنہ الہند دے دہشتگرداں دا حملہ ناکام بݨائے، ایف سی، سی ٹی ڈی اتے لیویز اہلکاراں بہادری نال فتنہ الہند دے دہشتگرداں دا مقابلہ کیتا جو قابل ستائش اے۔ وفاقی وزیر داخلہ آکھیا جو فتنہ الہند دے دہشتگرداں دے حملے اچ شہید تھیوݨ آلے نوجوان دے گھر آلیاں دے ݙکھ وچ شریک ہیسے اتے زخمیاں دی جلدی صحتیابی کیتے دعا کریندوں۔
