اسلام آباد۔ 2 جولائی (اے پی پی) وزیراعظم محمد شہباز شریف آکھیا جو مشرق وسطیٰ وچ امن کیتے سعودی عرب دیاں کوششاں دے نال نال پاکستان اتے بھارت وچال جنگ بندی کیتے مفاہمت اچ اوندے اہم کردار کوں سراہندے ہئیں۔ بُدھ کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال پاکستان اچ سعودی عرب دے سفیر نواف بن سعید المالکی ملاقات کیتی۔ وزیراعظم خادم الحرمین الشریفین شاہ سلمان بن عبدالعزیز آل سعود اتے سعودی ولی عہد اتے وزیراعظم شہزادہ محمد بن سلمان بن عبدالعزیز آل سعود کیتے آپݨے پُرخلوص جذبات دا اظہار کیتا۔ ولی عہد شہزادہ محمد بن سلمان بن عبدالعزیز آل سعود نال آپݨی اڄوکی 24 جون دی گالھ مہاڑ دا ذکر کریندیں ہوئیں وزیراعظم مشرق وسطیٰ اچ امن کیتے سعودی عرب دیاں کوششاں دے نال نال پاکستان اتے بھارت وچال جنگ بندی کیتے مفاہمت اچ اوندے اہم کردار دی تعریف کیتی۔ وزیراعظم ݙسیا جو پاکستان جولائی دے مہینے کیتے اقوام متحدہ دی سلامتی کونسل دی صدارت سنبھال ڳِھدی اے اَتے ایں مدت کوں سعودی عرب دی حمایت نال گزارݨ دا عزم ظاہر کیتا۔ سعودی سفیر خطے اچ امن تے استحکام کیتے پاکستان دے کردار تے وزیراعظم دا شکریہ ادا کیتا۔
