اسلام آباد۔ 2 جولائی (اے پی پی) وفاقی وزیر منصوبہ بندی، ترقی، اصلاحات تے خصوصی اقدامات پروفیسر احسن اقبال دی صدارت وچ اعلیٰ سطحی اجلاس اچ 2035 تئیں پاکستان کوں ہک کھرب ڈالر دی معیشت بݨاوݨ دے وژن دے تحت “اڑان پاکستان” فریم ورک تے عملدرآمد دا تفصیلی جائزہ ڳِھدا ڳیا۔ اجلاس اچ قومی ایکشن پلان برائے انفراسٹرکچر اتے علاقائی رابطیاں دا جائزہ وی شامل ہا.ڈاکٹر وقاص انور ٹرانسپورٹ، ریلوے، سڑکاں، میری ٹائم اَتے شہری نقل و حمل وچ اصلاحات بارے تفصیلی بریفنگ ݙتی۔ وفاقی وزیر ہدایت ݙتی جو منصوبہ بندی اچ تلے ݙیتے ڳئے اصولاں کوں پہلی ترجیح ݙتی ونجے جِناں چ:
- گھٹ لاگت اتے ودھ قدر تے مبنی منصوبہ بندی
- شفافیت اتے جوابدہی
- مؤثر نگرانی اتے جانچ دا نظام
- منصوبیاں دی بروقت تکمیل شامل ہن
انہاں آکھیا جو پاکستان کوں ایجھی سرمایہ کاری دی لوڑھ اے جو معیشت اچ براہ راست قدر ودھاوے، علاقائی تے عالمی رابطیاں کوں مضبوط کرے اتے عوام کوں ترقی دے عمل اچ شراکت دار بݨاوے۔اجلاس اچ این-25 ایکسپریس وے منصوبے تے تھیوݨ آلی پیش رفت دا جائزہ وی ڳِھدا ڳیا۔ وفاقی وزیر آکھیا جو اے منصوبہ سندھ اتے بلوچستان وچال ہک اہم تجارتی راہداری بݨ تے سامݨے آسی۔ منصوبے دی نشابر خصوصیات اچ ایکسپریس وے کوں مستقبل دیاں ضرورتاں دے مطابق چی رویہ بݨایا ویندا پئے، “حب بائی پاس” کوں نظرثانی شدہ پی سی-ون وچ شامل کر ڳِھدا ڳئے، جیوا توں سوراب (51 کلومیٹر) سیکشن تے 68 فیصد کم مکمل تھی ڳئے، اَتے راہداری دے نال جدید سروس ایریاز دے قیام دی ہدایت جاری اے۔ اجلاس اچ سیکریٹری پلاننگ اویس منظور سمرا، چیف اکانومسٹ ݙاکٹر امتیاز احمد اتے ݙوجھے اعلیٰ حکام شریک ہن۔ اجلاس اچ وزارت مواصلات، نیشنل ہائی وے اتھارٹی (این ایچ اے) اتے ایف ڈبلیو او (FWO) دے حکام شریک تھئے.
