اسلام آباد۔ 2 جولائی (اے پی پی) وفاقی وزیر داخلہ محسن نقوی باجوڑ دی تحصیل خار اچ صدیق آباد پھاٹک دے نیڑے سرکاری گاݙی دے نیڑے دھماکے دی تکڑی مذمت کریندیں ہوئیں آکھیا جو فتنہ الہند دے دہشتگرداں دی بزدلانہ کارروائیاں عوام دے حوصلے پست نئیں کر سڳدیاں۔ بُدھ کوں آپݨے ہک بیان اچ انہاں دھماکے آچ قیمتی انسانی جاناں دے ضیان تے ݙکھ اتے افسوس کیتا۔ وزیر داخلہ محسن نقوی شہید اسسٹنٹ کمشنر ناواگئی فیصل سلطان، تحصیلدار عبدالوکیل، کانسٹیبل رشید اَتے نور حکیم کوں خراج تحسین پیش کیتا۔ انہاں زخمیاں دی جلدی صحتیابی کیتے دعا کیتی اَتے آکھیا جو شہداء دیاں عظیم قربانیاں کوں ہمیشہ یاد رکھیا ویسی، شہداء دے لواحقین دے ݙکھ اچ شریک ہِیسے. محسن نقوی آکھیا جو دہشت گردی دے خلاف پوری قوم متحد اے۔
