اسلام آباد۔ 2 جولائی (اے پی پی) صدرِ مملکت آصف علی زرداری ضلع باجوڑ اچ بم دھماکے دی تکڑیں لفظاں اچ مذمت کریندیں ہوئیں دھماکے اچ اسسٹنٹ کمشنر ناواگئی، تحصیلدار اتے ٻئے اہلکاراں دی شہادت تے دلی افسوس کیتا۔ بُدھ کوں ایوانِ صدر دے پریس ونگ موجب صدرِ مملکت شہداء دے ٹبراں نال دلی تعزیت اتے ہمدردی کیتی۔ صدر آصف علی زرداری آکھیا جو دہشت گرد انسانیت دے دشمن ہن جو نہتی عوام کوں نشانہ بݨیندے پئن۔ انہاں دہشت گردی دے مکمل خاتمے کیتے ہر ممکن اقدامات دے عزم کیتا۔ صدرِ مملکت دعا منڳی جو اللہ تعالیٰ شہداء دے درجے بلند کرے اَتے لواحقین کوں صبرِ جمیل عطا فرماوے۔
