اسلام آباد۔ 2 جولائی (اے پی پی) وزیراعظم محمد شہباز شریف جمہوریہ آذربائیجان دے دارالحکومت باکو اچ 17ویں اقتصادی تعاون تنظیم (ای سی او) دے سربراہی اجلاس اچ شرکت کریسن۔ ترجمان دفتر خارجہ بُدھ کوں اتھاں جاری بیان اچ آکھیا جو ای سی او دا 17واں سربراہی اجلاس 3 اَتے 4 جولائی کوں باکو اچ تھیسی۔ محمد شہباز شریف پاکستانی وفد دی قیادت کریسن۔ سربراہی اجلاس دا موضوع “پائیدار اَتے موسمیاتی ریزیلئنٹ مستقبل کیتے نواں ای سی او وژن” اے۔ وزیراعظم سربراہی اجلاس اچ اہم علاقائی اَتے عالمی چیلنجز تے پاکستان دے نقطہ نظر کوں شیئر کریسن اَتے ای سی او وژن 2025 کیتے پاکستان دے عزم دا اعادہ کریسن۔ اوعلاقائی تجارت، ٹرانسپورٹ رابطیاں، توانائی دے تعاون اَتے پائیدار ترقی دے فروغ کیتے بھرپور وکالت کریسن۔ وزیراعظم محمد شہباز شریف سربراہی اجلاس دے موقع تے ای سی او دے ٻئے رہنماواں نال ݙو پاسہ ملاقاتاں وی کریسن تانجو آپسسی دلچسپی دے معاملیاں تے گالھ مہاڑ کیتی ونڄ سڳے۔
