اسلام آباد۔ 2 جولائی (اے پی پی) وزیراعظم محمد شہباز شریف سوات دے واقعے اچ قیمتی جاناں دے ضیان تے ݙکھ تے افسوس کریندے متعلقہ اداریں کوں ایں قسم دے واقعات دے تدارک اَتے روکݨ سانڳے اپݨی استعداد ودھاوݨ دی ہدایت کیتی اے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال گورنر خیبر پختونخوا فیصل کریم کنڈی ملاقات کیتی۔ گورنر خیبر پختونخوا وزیراعظم کوں دریائے سوات اچ پیش آوݨ آلے افسوسناک واقعے دے حوالے نال بریفنگ ݙتی۔ وزیراعظم قیمتی جاناں دے ضیان تے افسوس دا اظہار کیتا اَتے متعلقہ اداریں کوں ایں قسم دے واقعات دے تدارک اَتے روکݨ کیتے اپݨی استعداد ودھاوݨ دی ہدایت کیتی۔ ملاقات اچ مجموعی ملکی صورتحال تے وی ڳالھ مہاڑ کیتی ڳئی۔ ملاقات اچ وفاقی وزیر امور کشمیر، گلگت بلتستان و سرحدی امور انجینئر امیر مقام، وفاقی وزیر پبلک افیئرز یونٹ رانا مبشر اقبال، وزیراعظم دے مشیر برائے سیاسی امور رانا ثناء اللہ، وزیر مملکت پاور عبدالرحمان کانجو اَتے وزیراعظم دے معاون خصوصی سیاسی امور طلحہ برکی وی موجود ہن۔
