اسلام آباد۔ 2 جولائی (اے پی پی) نائب وزیراعظم اَتے وزیر خارجہ سینیٹر محمد اسحاق ڈار کھنڈ دی دی ملکی صورتحال اَتے ایں دی درآمد دا جائزہ گھنݨ کیتے کمیٹی دے اجلاس دی صدارت کیتی۔نائب وزیراعظم دے دفتر توں جاری بیان موجب ، اجلاس اچ وزیراعظم دے معاون خصوصی طارق باجوہ، سیکرٹریز صنعت و خوراک دے علاوہ وفاقی اَتے صوبائی حکومتاں دے اعلیٰ حکام شرکت کیتی۔ تفصیلی غور کرݨ دے بعد کمیٹی پرائیویٹ سیکٹر کوں پنج لکھ میٹرک ٹن کھنڈ دی درآمد دی اجازت ݙے ݙتی تاں جو مقامی مارکیٹ اچ مناسب سپلائی اَتے قیمتاں اچ استحکام کوں یقینی بݨایا ونڄ سڳے۔ نائب وزیراعظم وختی درآمدات دی اہمیت تے زور ݙتا اَتے سارے متعلقہ سٹیک ہولڈرز کوں ہدایت کیتی جو او کمیٹی دے فیصلے تے وختی تے مؤثر عمل درآمد یقینی بݨاون۔
