اسلام آباد۔ 3 جولائی (اے پی پی) وزیراعظم محمد شہباز شریف اقتصادی تعاون تنظیم (ای سی او) دے سربراہ اجلاس وچ شرکت کیتے ݙو ݙینھ دے دورے تے آذربائیجان روانہ تھی ڳئن۔ خمیس کوں وزیراعظم میڈیا آفس توں جاری بیان موجب وزیراعظم شہباز شریف خان کینڈی اچ اقتصادی تعاون تنظیم دے سربراہ اجلاس اچ شرکت کریسن اَتے خطاب وی کریسن۔وزیراعظم آپݨے خطاب آچ علاقائی تے عالمی چیلنجز اتے امور تے پاکستان دا نقطہ نظر پیش کریسن، اقتصادی تعاون تنظیم دے وژن 2025 کیتے پاکستان دے عزم دا اعادہ کریسن۔ وزیراعظم علاقائی تجارت دے فروغ، علاقائی رابطیاں دی مضبوطی، توانائی دے شعبے اچ تعاون اَتے خطے اچ پائیدار ترقی دے حصول دے اقدامات تے زور ݙیسن۔ وزیراعظم سربراہ اجلاس اچ شریک عالمی رہنماواں نال ملاقات وی کریسن۔ نائب وزیراعظم تے وزیر خارجہ محمد اسحاق ڈار، وفاقی وزیر اطلاعات تے نشریات عطا اللہ تارڑ اَتے معاون خصوصی طارق فاطمی وی وزیراعظم دے نال وفد اچ شامل ہن۔
