راولپنڈی۔ 3 جولائی (اے پی پی) چیئرمین جوائنٹ چیفس آف سٹاف کمیٹی جنرل ساحر شمشاد مرزا نال جنوبی افریقہ دی فضائیہ دے سربراہ لیفٹیننٹ جنرل وائزمین سیمو مبامبونے جوائنٹ سٹاف ہیڈ کوارٹرز راولپنڈی وچ ملاقات کیتی۔ ملاقات دے دوران ݙوہیں فریقاں آپت دی دلچسپی دے وسیع شعبیں اتے ݙو طرفہ تعاون تے گالھ مہاڑ کیتی۔ آئی ایس پی آر توں جاری بیان موجب ، ملاقات اچ اوہناں ݙوہیں افواج دے وچال مصروفیات دی سطح اتے دائرہ کار کوں مزید وݙا کرݨ کیتے عملی اقدامات تے تبادلہ خیال کیتا۔ اوہناں وسیع جغرافیائی سیاسی منظر نامے تے وی گالھ مہاڑ کیتی۔چیئرمین جوائنٹ چیفس آف سٹاف کمیٹی علاقائی سلامتی دے منظر نامے تے پاکستان دے نقطہ نظر کوں شیئر کیتا اَتے علاقائی امن اتے استحکام کیتے پاکستان دے کردار کوں اجاگر کیتا۔ معزز مہمان پاکستان دی مسلح افواج دی پیشہ ورانہ مہارت دی تعریف کیتی اَتے دہشت گردی دے خلاف جنگ وچ انہاں دیاں قربانیاں دا اعتراف کیتا۔ ایں توں پہلے جوائنٹ سٹاف ہیڈ کوارٹر پُڄݨ تے تِرائی افواج دے چاق و چوبند دستے معزز مہمان کوں گارڈ آف آنر پیش کیتا۔
