شوشا، قره باغ۔ 3 جولائی (اے پی پی) وزیراعظم محمد شہباز شریف اقتصادی تعاون تنظیم (ای سی او) دے سربراہ اجلاس وچ شرکت کیتے ݙو ݙینھ دے دورے تے شوشا، قره باغ پُڄ ڳئن۔ فذولی ہوائی اݙے تے آذربائیجان دے وزیر ثقافت عادل کرملی، آذربائیجان دے پاکستان وچ سفیر خضر فرہادوف، پاکستان دے آذربائیجان وچ سفیر قاسم محی الدین اَتے اعلیٰ سفارتی و حکومتی اہلکاراں وزیراعظم و پاکستانی وفد دا استقبال کیتا۔نائب وزیراعظم / وزیر خارجہ محمد اسحاق ڈار، وفاقی وزیر اطلاعات و نشریات عطا اللہ تارڑ اَتے معاون خصوصی طارق فاطمی وزیراعظم دے نال وفد وچ شریک ہن۔ وزیراعظم شہباز شریف خانکندی وچ اقتصادی تعاون تنظیم دے سربراہ اجلاس وچ شرکت کریسن اَتے خطاب وی کریسن۔ وزیراعظم سربراہ اجلاس وچ شریک عالمی رہنماواں نال اہم ملاقاتاں وی کریسن۔
