سندھ، بلوچستان، اُتلے خیبر پختونخوا، پنجاب دے کجھ علاقیں، خطہ پوٹھوہار اتے کشمیر وچ مینھ وسݨ دا امکان

اسلام آباد۔ 3 جولائی (اے پی پی) آوݨ آلے چووی گھنٹے اچ جنوب مشرقی سندھ، شمال مشرقی /جنوبی بلوچستان، اُتلے خیبر پختونخوا، شمال مشرقی /جنوبی پنجاب، خطہ پوٹھوہار اَتے کشمیر وچ کُجھ جہیں تے تکھی ہوا تے کھمݨ نال مینھ وسݨ دا امکان ۔محکمہ موسمیات موجب گزریل 24 گھنٹے اچ خیبر پختونخوا، پنجاب، اسلام آباد، شمال مشرقی بلوچستان، گلگت بلتستان اَتے کشمیر وچ کُجھ جہیں تے کھمݨ نال مینھ وسیا جݙاں جو کجھ جہیں تے زور دا مینھ تھیا تاں جو ملک دے ݙوجھے علاقیں اچ موسم گرم اَتے مرطوب رہیا۔ ایں دوران ساریں توں ودھ مینھ چراٹ اچ 98، بنوں 26، پشاور سٹی ھک،  فیصل آباد 33، چکوال 28، کوٹ ادو 24، اٹک 14، ملتان سٹی 13، سیالکوٹ سٹی 8، منڈی بہائوالدین 7، اسلام آباد (ایئرپورٹ 6، گولڑہ، زیروپوائنٹ ھک)، حافظ آباد 5، راولپنڈی (چکلالہ، پیرودھائی3)، خضدار 21، مظفرآباد (ایئرپورٹ 20، سٹی 18) ملی میٹر مینھ ریکارڈ کیتا ڳئے ۔خمیس کوں ریکارڈ کیتے ڳئے ودھ توں ودھ درجہ حرارت دی رپورٹ موجب دالبندین، نوکنڈی اچ درجہ حرارت 48، بونجی، سبی اتے چلاس اچ 45 ڈگری سینٹی گریڈ ریکارڈ کیتا ڳئے۔