راولپنڈی۔ 3 جولائی (اے پی پی) وفاقی وزیر دفاعی پیداوار محمد رضا حیات ہراج آکھیے جو پاکستان ازبکستان نال اپݨے دوستانہ تعلقات کوں قدر دی نگاہ نال ݙیکھدے۔ وزارت دفاعی پیداوار ولوں جاری بیان موجب جمہوریہ ازبکستان دے سفیر علی شیر توقتایف وفاقی وزیر محمد رضا حیات ہراج نال انہاں دے دفتر وچ ملاقات کیتی۔ وفاقی وزیر معزز مہمان دا خیرمقدم کریندے آکھیا جو پاکستان ازبکستان نال اپݨے دوستانہ تعلقات کوں قدر دی نگاہ نال ݙیکھدے۔ازبک سفیر پاکستان نال سارے شعبیں، خاص طور تے دفاعی صنعت دے شعبے وچ تعاون جاری رکھݨ دے عزم دا اظہار کیتا۔ ݙوہیں فریقاں دفاعی صنعت دے میدان وچ سانجھے منصوبیں دے امکانات ڳولݨ دی لوڑھ تے زور ݙیتا۔ ایں موقع تے ݙوہیں ملکاں آپت دی مشاورت نال “دفاعی صنعتی تعاون دا روڈ میپ” تشکیل ݙیوݨ تے اتفاق کیتا جیں تے اگست 2025ء وچ تاشقند، ازبکستان وچ تھیوݨ آلے مشترکہ ورکنگ گروپ دے اجلاس دے دوران دستخط کیتے ویسن۔
