اسلام آباد۔ 3 جولائی (اے پی پی) وزیر مملکت داخلہ طلال چوہدری آکھیے جو پاکستان ہمیشہ افغان شہریاں سودھے سارے غیر ملکی شہریاں نال بھراویں آلا سلوک کیتے، “ون ڈاکومنٹ رجیم” دے تحت دنیا دے شہریاں کوں پاکستان وچ خوش آمدید آہدوں ۔ اے ڳالھ انہاں افغانستان وچ اقوامِ متحدہ دے امدادی مشن یو این اے ایم اے (UNAMA) دی سربراہ ݙینائس ولمین نال اہم ملاقات اچ آکھی۔وفاقی وزیر داخلہ محسن نقوی دی ہدایت تے وزیر مملکت داخلہ طلال چوہدری افغانستان وچ اقوامِ متحدہ دے امدادی مشن یو این اے ایم اے دی سربراہ ݙینائس ولمین نال اہم ملاقات کیتی۔ ملاقات وچ افغانستان دی صورتحال، دہشت گردی اَتے علاقائی صورتحال تے ڳالھ مہاڑ کیتی ڳئی۔ وزیر مملکت داخلہ آکھیے جو پاکستان ہمیشہ افغان شہریاں سودھے سارے غیر ملکی شہریاں نال بھراویں آلا سلوک کیتے۔ طلال چوہدری آکھیے جو ون ڈاکومنٹ رجیم دے تحت دنیا دے شہریاں کوں پاکستان وچ خوش آمدید آہدوں ۔ ڈینائس ولمین دہشت گردی دے خلاف جنگ وچ پاکستان دے اقدامات اتے قربانیاں دی تعریف کیتی۔
