اسلام آباد۔ 4 جولائی (اے پی پی) وفاقی وزیر داخلہ محسن نقوی امریکہ دے یوم آزادی تے امریکی عوام اَتے قائم مقام امریکی سفیر نیٹلی بیکر و سفارتی حکام کوں مبارخ ݙتی اے اَتے امریکی حکومت اَتے عوام کیتے نیک خواہشات دا اظہار کیتے۔ وزارت داخلہ توں جاری بیان موجب وزیر داخلہ محسن نقوی امریکی حکومت اَتے عوام کیتے نیک خواہشات دا اظہار کریندے آکھیا جو یوم آزادی تے امریکی عوام دی خوشیاں وچ برابر دے شریک ہِن۔محسن نقوی آکھیا جو امریکہ دا یوم آزادی، قربانی اَتے جمہوریت دی عظمت دا مظہر اے، آزادی انسان دی شناخت، خودمختاری اَتے وقار دی علامت اے۔ محسن نقوی آکھیا جو امریکی صدر ڈونلڈ ٹرمپ دی قیادت وچ امریکہ ترقی، اتحاد اَتے امن دے رستے تے گامزن اے۔ انہاں آکھیا جو امریکی صدر ڈونلڈ ٹرمپ اقوام عالم وچ پائیدار امن کیتے مثالی کردار ادا کیتے اَتے کریندے پئن، امید ہے جو امریکی صدر ڈونلڈ ٹرمپ دے دور وچ پراݨے عالمی جھیڑے مک ویسن
