لاہور۔ 5 جولائی (اے پی پی) وزیرِاعظم محمد شہباز شریف، ترکیہ دے صدر رجب طیب ایردوان اَتے آذربائیجان دے صدر الہام علیوف خانکندی وچ اقتصادی تعاون تنظیم دے سربراہی اجلاس توں بعد چہل قدمی کیتی۔ وزیراعظم دفتر دے پریس توں جاری پریس ریلیز موجب آذربائیجان دے صدر وزیرِاعظم اَتے ترک صدر کوں خانکندی دی تاریخ اَتے تاریخی عمارتاں بارے ݙسایا ۔ ایں موقع تے ترائی رہنماواں غیر رسمی اَتے خوشگوار ڳالھ مہاڑ وی کیتی۔ ترائی رہنماواں ڳالھ مہاڑ دے دوران ہتھ رلا تے پاکستان، ترکیہ اَتے آذربائیجان وچال مثالی برادرانہ تعلقات اَتے یکجہتی دا اظہار کیتا۔ بعد اچ آذربائیجان دے صدر الہام علیوف وزیرِاعظم کوں خود ڳاݙی چلاتے شوشا وچ ظہرانے تے ڳھن ڳئے۔
