اسلام آباد۔ 5 جولائی (اے پی پی) وزیر داخلہ محسن نقوی آکھیے جو انشاء اللہ حکومتی اقدامات اَتے قانون نافذ کرݨ آلے اداریں دی ݙینھ رات محنت نال عاشورہ پر امن گزر ویسی، دشمن دے ناپاک عزائم نہ پہلے کامیاب تھیے اَتے نہ ہݨ تھیسن ، فتنہ الہندوستان دے مذموم عزائم ناکام بݨاوݨ کیتے قانون نافذ کرݨ آلے ادارے مکمل چوکس ہن۔ترجمان وزارت داخلہ توں جاری بیان موجب ملک وچ 9ویں محرم الحرام دے جلوساں اَتے مجالساں کیتے سکیورٹی دے فول پروف انتظامات کیتے ڳئن۔ اسلام آباد سودھے پنجاب، خیبرپختونخوا، بلوچستان، سندھ، آزاد کشمیر و گلگت بلتستان وچ اڄ 2763 جلوساں اَتے 7598 مجلساں دا انعقاد کیتا ویندا پئے۔ انتہائی حساس قرار ݙتے 1129 علاقیں وچ غیر معمولی سکیورٹی اقدامات اَتے ڈرونز و سی سی ٹی کیمریں نال نگرانی جاری اے۔وفاقی حکومت دے مرکزی مانیٹرنگ سیل توں 24/7 نگرانی جاری اے، صوبائی حکومتاں دے نال مؤثر کوآرڈینیشن اے۔ وفاقی وزیر داخلہ محسن نقوی، وزیر مملکت طلال چوہدری اَتے سیکرٹری داخلہ خرم آغا خود سارے مانیٹرنگ دے عمل دی نگرانی و کوآرڈینیشن وچ مصروف عمل ہن۔وزارت داخلہ دے ترجمان آکھیا جو اسلام آباد وچ اڄ 61 مجالس اَتے 17 جلوس، پنجاب وچ 3805 مجالس اَتے 1677 جلوس کڈھئے ویندے پئن۔ سندھ وچ عزادار 1207 مجالس اَتے 644 جلوس اَتے خیبر پختونخوا وچ 939 مجالس و 261 جلوس کڈھئے ویندے پئن۔ بلوچستان وچ 115 مجالس، 11 جلوس، گلگت بلتستان وچ 1290 مجالس، 111 جلوس اَتے آزاد کشمیر وچ 181 مجالس، 42 جلوس منعقد تھیسن۔ 9ویں محرم الحرام تے امن عامہ یقینی بݨاوݨ کیتے قانون نافذ کرݨ آلے ادارے مکمل الرٹ ہن۔قیام امن کیتے صوبائی حکومتاں مشاورت نال سکیورٹی پلان تشکیل ݙتے. مذہبی منافرت اَتے فرقہ وارانہ بیاناں تے زیرو ٹالرنس پالیسی اے۔ مرکزی کنٹرول روم دے نال صوبائی سطح تے کنٹرول رومز فعال کیتے ڳئن۔ وزیر داخلہ محسن نقوی آکھیے جو سوشل میڈیا تے مذہبی اشتعال انگیزی کہیں وی صورت نہ پہلے برداشت کیتی اَتے نہ اڳوں برداشت کیتی ویسی۔ امن و امان برقرار رکھݨ اوّلین ترجیح اے۔ محسن نقوی آکھیا جو فتنہ الہندوستان دے مذموم عزائم ناکام بݨاوݨ کیتے قانون نافذ کرݨ آلے ادارے مکمل چوکس ہن۔ انشاء اللہ حکومتی اقدامات اَتے قانون نافذ کرݨ آلے اداریں دی ݙینھ رات محنت نال عاشورہ پر امن گزر ویسی۔ وزیر داخلہ آکھیا جو دشمن دے ناپاک عزائم نہ پہلے کامیاب تھیے اَتے نہ ہݨ تھیسن۔
