لاہور۔ 6 جولائی (اے پی پی) گورنر پنجاب سردار سلیم حیدر خان یوم عاشور تے اپݨے پیغام وچ آکھیے جو حضرت امام حسین رضی اللہ عنہ دا پیغام کہیں ہک مسلک یا گروہ کیتے کائںی بلکہ پوری انسانیت کیتے اے۔ ایں کیتے اساکوں فرقہ واریت توں گریز اَتے اپݨی صفاں وچ اتحاد رکھݨا اے۔گورنر پنجاب آکھیا جو واقعہ کربلا دے بعد ݙو ہی فرقے ہن، ہک حسینی اَتے ݙوجھا یزیدی، اساکوں ماݨ ہووݨا چاھیدے جو اساں سارے حسینی ہِیسے ۔ گورنر پنجاب آکھیا جو حضرت امام حسین رضی اللہ عنہ اَتے انہاں دے رفقا یزیدیت کوں للکاریا اَتے حق دی خاطر اپݨی جان ݙے ݙتی لیکن باطل دے اڳوں سِر نئیں جُھکایا۔ انہاں آکھیا جو اہل بیت دیاں عظیم قربانیاں کوں رہندی دنیا تئیں بھلایا نی ونڄ سڳدا۔
