چنیوٹ۔ 6 جولائی (اے پی پی) وفاقی وزیر سرمایہ کاری بورڈ قیصر احمد شیخ ہر سال وانڳوں اپݨے دیرے چنیوٹ تے یوم عاشورہ تے لنگر اَتے نیاز دا اہتمام کیتا جیں وچ عزاداراں دی وݙی تعداد شرکت کیتی۔ وفاقی وزیر قیصر احمد شیخ خود عزاداراں وچ لنگر و نیاز ونڈیندے رہیے ۔ مرکزی جلوس علم ذوالجناح تعزیہ انہاں دے دیرے دے سمݨے لنگھدن۔انہاں ایں موقع تے میڈیا نال ڳالھ مہاڑ کریندے ہوئیں آکھیا جو چنیوٹ اساݙا واحد شہر اے جتھاں پنج تعزیے کݙھیے ویندن، اڄ توں نئیں کئی سو سال توں کݙھیے ویندے پئن۔ انہاں آکھیا جو ملک دے معاشی حالات چنڳے ویندے پئن، پاکستان ݙینھ و ݙینھ ترقی کریندا پئے اَتے غیر ملکی سرمایہ کاری تھیندی پئی اے۔ ایں موقع تے انہاں دے دیرے تے مٹھے پاݨی دی سبیل وی لاتی ڳئی ہئی۔
