باکو۔ 8 جولائی (اے پی پی) سپیکر قومی اسمبلی سردار ایاز صادق ے منگل کوں پارلیمانی وفد دے رلے آذربائیجان دی ملی مجلس دا دورہ کیتا۔ ملی مجلس آوݨ تے سپیکر ملی مجلس صاحبہ غفارووا سپیکر قومی اسمبلی اَتے پاکستان دے پارلیمانی وفد دا خیر مقدم کیتا۔ سپیکر قومی اسمبلی آذربائیجان دی ملی مجلس دی سپیکر صاحبہ غفارووا نال ملاقات کیتی، سپیکر مجلس اچ پرتپاک استقبال تے سپیکر ملی مجلس دا شکریہ ادا کیتا۔ملاقات اچ ݙو پاسہ تعلقات اَتے اہم عالمی تے علاقائی معاملیاں تے ڳالھ کیتی ڳئی۔ ملاقات اچ پارلیمانی تعاون، اقتصادی شراکت داری اَتے عوامی سطح تے رابطیاں کوں فروغ ݙیوݨ تے اتفاق کیتا ڳیا۔ سپیکر قومی اسمبلی مسئلہ کشمیر، غزہ اچ انسانی بحران اَتے ایران-اسرائیل کشیدگی تے آذربائیجان دے جرأت مندانہ مؤقف کوں سراہیا۔ سپیکر وزیراعظم محمد شہباز شریف دے آزاد شدہ آذربائیجانی علاقیاں دے اڄوکے دورے کوں نہایت اہم قرار ݙتا۔ انہاں آکھیا جو گوادر بندرگاہ علاقائی تجارت اَتے اقتصادی تعاون دے فروغ وچ کلیدی کردار ادا کر سڳدی اے۔سپیکر قومی اسمبلی آذربائیجان، پاکستان اَتے ترکی دے پارلیمانی سپیکرز وچال سہ فریقی اجلاس جلدی کراوݨ دی لوڑھ تے زور ݙتا اَتے آکھیا جو پارلیمانی وفد اچ حکومتی اَتے اپوزیشن اراکین شامل ہن، جو آذربائیجان کیتے پاکستانی پارلیمان دی حمایت دا مظہر اے۔ قومی اسمبلی آف پاکستان آرمینیا اَتے آذربائیجان دی کشیدگی دے موقع تے قومی آذربائیجان دی حمایت اچ ݙو قرارداداں متفقہ طور تے منظور کیتیاں۔ قومی اسمبلی پاکستان آرمینیا دی جارحیت دے خلاف آپݨی قرارداد اچ بھرپور مذمت کیتی۔سپیکر ملی مجلس صاحبہ غفارووا پاکستان ولوں مستقل حمایت تے شکریہ ادا کیتا اَتے ݙوہیں ملکاں دے برادرانہ تعلقات کوں قابلِ فخر قرار ݙتا۔ انہاں آذربائیجان-پاکستان-ترکی سہ فریقی پارلیمانی اجلاس اَتے 2021 اچ آپݨے دورۂ پاکستان کوں نہایت خوشگوار قرار ݙتا۔ صاحبہ غفارووا دی پاکستان-آذربائیجان پارلیمانی فرینڈشپ گروپ دے وفد کوں آوݨ آلے خزاں اجلاس اچ ملی مجلس دا دورہ کرݨ دی دعوت ݙتی ڳئی۔ سپیکر ملی مجلس ݙوہیں ملکاں وچال براہِ راست پروازاں دی تعداد وچ وادھے دی لوڑھ تے زور ݙتا۔ سپیکر سردار ایاز صادق ملی مجلس اچ موجود مزماناں دی یادداشت دی کتاب اچ آپݨے تاثرات وی قلمبند کیتے۔ ملاقات اچ اراکینِ قومی اسمبلی ڈاکٹر مہیش کمار ملانی، چوہدری افتخار نذیر، صادق افتخار، عمیر خان نیازی، محمد افضل کھوکھر، محمد معین عامر پیرزادہ اَتے نذیر احمد بھگیو شرکت کیتی۔
