اسلام آباد۔ 8 جولائی (اے پی پی) نائب وزیراعظم اَتے وزیر خارجہ سینیٹر محمد اسحاق ڈار ملک اچ کھنڈ دی صورتحال اَتے درآمدی ضرورتاں دا جائزہ ڳِھنݨ کیتے منگل کوں اتھ کمیٹی دے اجلاس دی صدارت کیتی۔ نائب وزیر اعظم دے آفس توں جاری بیان موجب اجلاس اچ وزیر خوراک، وزیراعظم دے معاون خصوصی طارق باجوہ، سیکرٹری وزارت خوراک، وزارت صنعت تے پیداوار دے سینئر حکام اَتے صنعت دے نمائندے شرکت کیتی۔ میٹی پورے ملک اچ مستحکم سپلائی کوں یقینی بݨاوݨ اَتے سستیاں قیمتاں کوں برقرار رکھݨ کیتے 500,000 میٹرک ٹن تئیں کھنڈ دی درآمد دی منظوری ݙتی۔ نائب وزیراعظم قیمتاں اچ استحکام اَتے صارفاں دے مفادات دے تحفظ کیتے حکومت دے عزم دا اظہار کیتا۔
