وزیراعظم محمد شہباز شریف دی بلوچستان دے علاقے سر ڈھاکئی اچ بس توں مسافراں دے اغوا اَتے ہلاکت دی شدید مذمت، دہشت گرداں نال نبڑݨ دا عزم

اسلام آباد۔ 11 جولائی (اے پی پی) وزیراعظم محمد شہباز شریف بلوچستان دے علاقے سر ڈھاکئی اچ بس توں مسافراں دے اغوا اَتے ہلاکت دی شدید مذمت کریندیں ہوئیں دہشت گرداں نال پوری قوت نال نٻڑݨ دا عزم کیتا۔ جمعہ کوں وزیراعظم آفس دے میڈیا ونگ ولوں جاری بیان موجب وزیراعظم محمد شہباز شریف آکھیا جو نہتے شہریاں دا قتل فتنہ الہندوستان دی کھلی دہشت گردی اے، انہاں دے خون دا بدلہ گھِدا ویسی۔ وزیراعظم آکھیا جو عزم، اتحاد اَتے طاقت نال دہشت گردی دے ناسور نال نٻڑݨ اَتے اوں کوں منڈھوں پٹ کر ساہ گھِنساں۔