نائب وزیراعظم سینیٹر محمد اسحاق ڈار دی ملائیشیا دے وزیراعظم انور ابراہیم نال ملاقات، ݙو پاسہ تعلقات کوں ٻیا مستحکم کرݨ دا عزم

پتراجایا۔ 11 جولائی (اے پی پی) نائب وزیراعظم اَتے وزیر خارجہ سینیٹر محمد اسحاق ڈار ملائیشیا دے وزیراعظم داتو سری انور ابراہیم نال پتراجایا اچ ملاقات کیتی۔جمعہ کوں دفتر خارجہ موجب انہاں وزیراعظم محمد شہباز شریف ولوں نیک خواہشات دا اظہار کیتا اَتے ملائیشیا دے نال ݙو پاسہ تعلقات کوں ٻیا مستحکم کرݨ دے پاکستان دے عزم دا اعادہ کیتا۔ نائب وزیراعظم سال 2025 کیتے آسیان چیئر دی حیثیت نال ملائیشیا دی قیادت کوں وی سراہیا۔ایں موقع تے ملائیشیا دے وزیراعظم انور ابراہیم گرمجوش جذبات دا اظہار کیتا اَتے آکھیا جو او ایں سال اکتوبر اچ وزیراعظم محمد شہباز شریف دے دورے دے منتظر ہن۔ نائب وزیراعظم محمد اسحاق ڈار اے آر ایف 2025 دے وزارتی اجلاس اچ پرتپاک مہمان نوازی اَتے متاثر کن انتظامات تے وزیراعظم انور ابراہیم دا شکریہ ادا کیتا۔ انہاں اکتوبر 2024 اچ وزیراعظم انور ابراہیم دے دورہ پاکستان دے بعد ݙوہیں ملکاں وچال تجارت اَتے سرمایہ کاری دے فروغ کیتے ملائیشیا ولوں چاتے ڳئے عملی اقدامات کوں وی سراہیا۔