اسلام آباد۔ 11 جولائی(اے پی پی)وفاقی وزیر برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ گوگل دی ریجنل اے آئی ݙیویلپر ایکو سسٹم اَتے کمیونٹیز ٹیم نال ملاقات کیتی اتے پاکستان اچ مصنوعی ذہانت (اے آئی) دے ودھارے سودھا باہمی تعاون دے امکانات تے الایا۔ گوگل ٹیم پاکستان اچ گوگل ݙیویلپر گروپس (جی ݙی جیز)، کمیونٹی بیسڈ اے آئی منصوبیاں اَتے تعلیم تے مبنی مؤثر پلیٹ فارم تعلیم آباد …
وفاقی وزیر انفارمیشن ٹیکنالوجی و ٹیلی کمیونیکیشن دی گوگل دی ریجنل اے آئی ݙیویلپر ایکو سسٹم اَتے کمیونٹیز ٹیم نال ملاقات
مزید خبراں
اسلام آباد۔ 11 جولائی(اے پی پی)وفاقی وزیر برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ گوگل دی ریجنل اے آئی ݙیویلپر ایکو سسٹم اَتے کمیونٹیز ٹیم نال ملاقات کیتی اتے پاکستان اچ مصنوعی ذہانت (اے آئی) دے ودھارے سودھا باہمی تعاون دے امکانات تے الایا۔ گوگل ٹیم پاکستان اچ گوگل ݙیویلپر گروپس (جی ݙی جیز)، کمیونٹی بیسڈ اے آئی منصوبیاں اَتے تعلیم تے مبنی مؤثر پلیٹ فارم تعلیم آباد جھئیں اقدامات دے مثبت اثرات دا ݙسایا۔ ایں موقع تے وفاقی وزیر دی این پلس ون ٹیم نال وی ملاقات تھئی جیکوں حال ہی اچ گوگل سلوشن چیلنج اچ دنیا دی ٹاپ 10 ٹیماں اچ چݨیا ڳئے اتے ایں فلپائن اچ پاکستان دی نمائندگی کیتی۔ وفاقی وزیر حکومت دے ایں وژن تے زور ݙیتا جو اے آئی دی تربیت کوں تریے بنیادی شعبیاں اچ ترجیح ݙتی ویندی پئی اے۔ انہاں گوگل اَتے وزارت آئی ٹی وچال مؤثر منظم تعاون دی لوڑ تے زور ݙیتا تاں جو پاکستان کوں عالمی اے آئی ایکو سسٹم اچ مؤثر انداز اچ رلایا ونڄ سڳے اتے ملک بھر اچ ݙیجیٹل بااختیاری کوں ودھایا ونڄے۔
