اسلام آباد۔ 11 جولائی (اے پی پی)نائب وزیراعظم اَتے وزیر خارجہ سینیٹر محمد اسحاق ݙار ملائیشیا دے شہر کوالالمپور اچ تھیوݨ آلے آسیان ریجنل فورم دے 32ویں وزارتی اجلاس اچ پاکستانی وفد دی قیادت کریندے پئن۔ اے ڳالھ ترجمان دفتر خارجہ شفقت علی خان پریس بریفنگ اچ ݙسائی۔ انہاں آکھیا جو اے آر ایف دے وزارتی اجلاس اچ نائب وزیراعظم ایشیا پیسیفک خطے کوں متاثر کرݨ آلے سیاسی اَتے سلامتی …
نائب وزیراعظم محمد اسحاق ݙار آسیان ریجنل فورم دے وزارتی اجلاس اچ پاکستانی وفد دی قیادت کریندے پئن، ترجمان دفتر خارجہ دی بریفنگ
مزید خبراں
اسلام آباد۔ 11 جولائی (اے پی پی)نائب وزیراعظم اَتے وزیر خارجہ سینیٹر محمد اسحاق ݙار ملائیشیا دے شہر کوالالمپور اچ تھیوݨ آلے آسیان ریجنل فورم دے 32ویں وزارتی اجلاس اچ پاکستانی وفد دی قیادت کریندے پئن۔ اے ڳالھ ترجمان دفتر خارجہ شفقت علی خان پریس بریفنگ اچ ݙسائی۔ انہاں آکھیا جو اے آر ایف دے وزارتی اجلاس اچ نائب وزیراعظم ایشیا پیسیفک خطے کوں متاثر کرݨ آلے سیاسی اَتے سلامتی دے امور تے ڳالھ مہاڑ اچ شرکت کریندے پئن جیںدے اچ ڳالھ مہاڑ دے ذریعے امن، استحکام اَتے باہمی تعاون کوں فروغ ݙیوݨ تے توجہ ݙیتی ویسی۔ ترجمان آکھیا جو آسیان ریجنل فورم دے وزارتی اجلاس دے موقع تے نائب وزیراعظم سینیٹر محمد اسحاق ݙار ملائیشیا دے وزیراعظم داتو سری انور ابراہیم، کینیڈین وزیر خارجہ انیتا آنند، آسٹریلوی وزیر خارجہ سینیٹر پینی وونگ، لاؤس پیپلز ݙیموکریٹک ریپبلک دے وزیر خارجہ، سری لنکا دے وزیر خارجہ وجیتھا ہیراتھ، روسی فیڈریشن دے وزیر خارجہ سرگئی لاوروف، یورپی یونین دے اعلیٰ نمائندے اَتے نائب صدر کاجا کالس، سوئٹزرلینڈ دے وزیر خارجہ اَتے برطانیہ دے وزیر خارجہ ݙیوڈ لیمی نال ملاقات کیتی۔ ترجمان آکھیا جو انہاں رہنماواں جاری ݙو طرفہ مصروفیات دی پیشرفت دا جائزہ گھِدا اَتے اقتصادی، تجارتی، سرمایہ کاری، تعلیم، سیاحت، اعلیٰ سطح سیاسی تبادلیاں اَتے عوام توں عوام دے رابطیاں اچ تعاون ٻیا ودھاوݨ کیتے اپݨا عزم دوہرایا۔ انہاں خطے دی حالیہ پیشرفت سودھا کئی علاقائی اَتے عالمی امور تے وی الایا۔
