نائب وزیراعظم تے وزیر خارجہ سینیٹر محمد اسحاق ڈار ملائیشیا دا ݙو ݙینھ دا دورہ مکمل کرݨ دے بعد وطن کیتے واپس روانہ

اسلام آباد۔ 12 جولائی (اے پی پی) نائب وزیراعظم،وزیر خارجہ سینیٹر محمد اسحاق ڈار 32ویں ایشیائی علاقائی فورم (اے آر ایف) دے وزارتی اجلاس اچ شرکت کیتے ملائیشیا دے ݙو ݙینھ دے کامیاب دورے دے بعد ہفتے کوں کوالالمپور توں اسلام آباد واپس روانہ تھی ڳئے۔ دفتر خارجہ دے ترجمان پریس ریلیز اچ آکھیا جو اے آر ایف 2025 اَتے متعلقہ تقریباں اچ شرکت دے علاوہ سینیٹر محمد اسحاق ڈار ملائیشیا دے وزیراعظم انور ابراہیم سمیت پتراجایا اچ دوست ملکاں دے وزرائے خارجہ دے نال 12 ݙو پاسہ ملاقاتاں کیتی اَتے کوالالمپور اچ متحرک پاکستانی کمیونٹی نال خطاب وی کیتا۔