صدرِمملکت آصف علی زرداری دی ریموٹ سینسنگ سیٹلائٹ دی کامیاب لانچ تے پاکستانی سائنسداناں کوں مبارخ

اسلام آباد۔31جولائی (اے پی پی) صدرِ مملکت آصف علی زرداری ریموٹ سینسنگ سیٹلائٹ دی کامیاب لانچ تے پاکستانی سائنسداناں کوں مبارخ ݙتی اے۔ ایوانِ صدر دے پریس وِنگ توں جاری بیان وچ انہاں آکھیا جو پاکستان کوں اپݨےسائنسداناں دیاں صلاحیتاں تے ماݨ اے۔صدر آصف علی زرداری آکھیا جو اے جدید سیٹلائٹ قدرتی آفتاں دی نگرانی، وختی وارننگ، زراعت، شہری منصوبہ بندی، انفرا سٹرکچر دی ترقی اتے ماحولیاتی مشاہدے وچ مدد ݙیسی۔ صدر آصف علی زرداری آکھیا جو اے سنگِ میل پاکستان دیاں ودھدیاں خلائی صلاحیتاں دی روشن علامت اے۔ صدر آصف علی زرداری آکھیا جو اساں سیٹلائٹ دی کامیاب لانچ وچ تعاون تے چین دی حکومت دے شکر گزار ہیسے