اسلام آباد۔1اگست (اے پی پی) وفاقی وزیر داخلہ محسن نقوی پنجاب دے شہر صادق آباد دے نیڑے پولیس چوکی تے ڈاکواں دے حملے دی بھرپور مذمت کریندیں ہوئیں ایں حملے اچ شہید تھیوݨ آلے 5 پولیس اہلکاراں کوں خراج عقیدت پیش کیتے۔ وزارت داخلہ توں جاری بیان اچ وزیر داخلہ محسن نقوی ایں حملے دی بھرپور مذمت کیتی۔ وزیر داخلہ شہید پولیس اہلکاراں دے لواحقین نال وی دلوں ہمدردی تے …
وفاقی وزیر داخلہ دی صادق آباد دے نیڑے پولیس چوکی تے ڈاکواں دے حملے دی مذمت، شہید پولیس اہلکاراں کوں خراج عقیدت
مزید خبراں
اسلام آباد۔1اگست (اے پی پی) وفاقی وزیر داخلہ محسن نقوی پنجاب دے شہر صادق آباد دے نیڑے پولیس چوکی تے ڈاکواں دے حملے دی بھرپور مذمت کریندیں ہوئیں ایں حملے اچ شہید تھیوݨ آلے 5 پولیس اہلکاراں کوں خراج عقیدت پیش کیتے۔ وزارت داخلہ توں جاری بیان اچ وزیر داخلہ محسن نقوی ایں حملے دی بھرپور مذمت کیتی۔ وزیر داخلہ شہید پولیس اہلکاراں دے لواحقین نال وی دلوں ہمدردی تے تعزیت دا اظہار کیتا اتے آکھیا جو شہید پولیس اہلکاراں دی قربانی کوں سلام پیش کریندن۔ محسن نقوی آکھیا جو پولیس جواناں رات دے اندھارے اچ بزدلانہ حملہ کرݨ آلے ڈاکواں دا جوان مردی نال مقابلہ کریندیں ہوئیں شہید تھیے۔ انہاں آکھیا جو پولیس اہلکاراں فرض دی راہ اچ جاناں نچھاور کر تے شہادت دا اعلیٰ مرتبہ پاتا۔ وفاقی وزیر داخلہ آکھیا جو کچے دے ڈاکواں دے خلاف برسر پیکار پولیس اہلکاراں دی وݙی قربانی کوں قوم ہمیشہ یاد رکھیسی۔ وزیر داخلہ محسن نقوی آکھیا جو شہید پولیس جواناں دی قربانیاں رائیگاں نہ ویسن
