وزیراعلیٰ مریم نواز دا رحیم یار خان پولیس چوکی تے حملے وچ 5 ایلیٹ فورس جواناں دی شہادت تے ݙکھ تے افسوس

لاہور۔1اگست (اے پی پی) وزیراعلیٰ مریم نواز شریف رحیم یارخان دے علاقے شیخانی پولیس چوکی تے حملے وچ ایلیٹ فورس دے 5 جواناں دی شہادت تے ݙکھ اتے افسوس کیتے۔ آپݨے تعزیتی بیان اچ شہید اہلکاراں محمد عرفان، محمد سلیم، نخیل، خلیل اتے غضنفر دے گھرآلیں نال دلی ہمدردی اتے تعزیت کریندے انہاں آکھیے جو اساں ݙکھے ویلھے مرحومین دے اہل خانہ دے ݙکھ اچ برابر دی شریک ہاں ، حکومت کچے دے ڈاکوواں دے خلاف آپریشن کوں انجام تئیں پُچاوݨ کیتے پرعزم اے، دہشت گرداں و جرائم پیشہ عناصر دے خلاف آپریشن پوری طاقت نال جاری رہسی۔ رحیم یار خان وچ شہید اہلکاراں دی قربانی کوں خراجِ عقیدت پیش کریندے وزیراعلیٰ مریم نواز آکھیا جو شہیداں دا خون ضائع نہ ویسی ، پنجاب پولیس دے جواناں اپݨیاں جاناں دا نذرانہ ݙے تے عوام دی حفاظت دا حق ادا کیتا، پولیس شہداء دے خانداناں کوں کلھا نہ چھوڑیا ویسی، حکومت ہمیشہ انہاں دے نال اے۔