اسلام آباد۔1اگست (اے پی پی) وزیراعظم دے معاون خصوصی برائے صنعت تے پیداوار ہارون اختر خان نال ازبکستان دے سفیر علیشیر تختائیف ملاقات کیتی جئیں اچ ازبکستان دے اڳوں دے دورے اتے ݙو پاسہ تعاون دے ودھارے بارے امور تے ڳالھ مہاڑ کیتی ڳئی۔ ملاقات اچ فریقاں وزیراعظم دے وژن اتے ہدایت دی روشنی اچ تجارتی، سرمایہ کاری اتے آپسی تعاون کوں فروغ ݙیوݨ تے تفصیلی ڳالھ کیتی۔ ایں موقع …
وزیراعظم دے معاون خصوصی ہارون اختر خان نال ازبکستان دے سفیر علیشیر تختائیف دی ملاقات، تجارت، سرمایہ کاری اتے آپسی تعاون ودھاوݨ تے ڳالھ مہاڑ
مزید خبراں
اسلام آباد۔1اگست (اے پی پی) وزیراعظم دے معاون خصوصی برائے صنعت تے پیداوار ہارون اختر خان نال ازبکستان دے سفیر علیشیر تختائیف ملاقات کیتی جئیں اچ ازبکستان دے اڳوں دے دورے اتے ݙو پاسہ تعاون دے ودھارے بارے امور تے ڳالھ مہاڑ کیتی ڳئی۔ ملاقات اچ فریقاں وزیراعظم دے وژن اتے ہدایت دی روشنی اچ تجارتی، سرمایہ کاری اتے آپسی تعاون کوں فروغ ݙیوݨ تے تفصیلی ڳالھ کیتی۔ ایں موقع تے ݙوہیں ملکاں وچال اقتصادی تعلقات کوں ٻیا مضبوط بݨاوݨ دے ممکنہ معاہدیاں تے وی غور کیتا ڳیا۔ ڳالھ مہاڑ دے اہم نکات اچ تجارتی تعاون، بی ٹو بی ملاقاتاں اتے پشاور اچ ہک وئیر ہاؤس دے قیام دے منصوبے شامل ہن تاں جو تجارتی رابطے اتے لاجسٹکس کوں فروغ ݙیا ونڄ سڳے۔ ݙوہیں معزز شخصیتاں صنعت، زراعت، ٹرانسپورٹ، مائننگ اتے منرلز دے شعبیاں اچ تعاون دے موقعیاں تے وی ڳالھ مہاڑ کیتی۔ہارون اختر خان ٹریکٹر اتے مائننگ انڈسٹری اچ مشترکہ منصوبیاں دے امکانات کوں اجاگر کیتا اتے ازبکستان دے نال 2 ارب ڈالر دے تجارتی ہدف دے حصول کیتے نویں موقع تلاش کرݨ دی اہمیت تے زور ݙتا۔ انہاں ٻیا ݙسیا جو ݙوہیں ملکاں دے وفد وچال انفارمیشن ٹیکنالوجی، ای کامرس اتے بینکاری دے شعبیاں اچ ملاقاتاں تھیسن۔ ایں موقع تے ازبک سفیر پاکستان دی ٹیکسٹائل انڈسٹری اچ دلچسپی ظاہر کیتی اتے ہارون اختر خان کوں ازبکستان دے ٹیکنو پارک دے دورے دی دعوت ݙتی۔ ازبک سفیر نے پاکستان دی فارماسیوٹیکل انڈسٹری اچ وی دلچسپی ظاہر کیتی جیں تے ہارون اختر خان ے ݙسیا جو ازبکستان سالانہ 3 ارب ڈالر دی فارما مصنوعات درآمد کریندے جو پاکستان دی فارما صنعت کیتے ہک اہم موقع ہے۔
