صدر مملکت آصف علی زرداری دی پولیس دے شہیداں کوں خراج عقیدت، حکومت شہدا دے وارثاں دی فلاح و بہبود کیتے سارے ممکن اقدامات کریندی رہسی

اسلام آباد۔4اگست (اے پی پی) صدر مملکت آصف علی زرداری آکھیا جو اڄ دے ݙینہہ اساں آپݨے بہادر پولیس افسراں اتے جواناں کوں خراج عقیدت پیش کریندوں جنہاں ملک تے قوم کیتے آپݨی جاناں دا نذرانہ پیش کیتا، حکومت شہدا دے وارثاں دی فلاح و بہبود کیتے سارے ممکن اقدامات کریندی رہسی۔ سنوار کوں ایوان صدر دے پریس ونگ توں جاری بیان موجب یومِ شہدائے پولیس تے قوم دے ناں آپݨے سنیھے اچ صدر مملکت آصف علی زرداری آکھیا جو “پولیس دہشتگردی، جرائم اتے بدامنی دے خلاف بھرپور جدوجہد کیتی اے۔ صدر مملکت آکھیا جو “اڄ دے ݙینہہ اساں آپݨے بہادر پولیس افسراں اتے جواناں کوں خراج عقیدت پیش کریندوں جنہاں ملک تے قوم کیتے آپݨی جاناں دا نذرانہ پیش کیتا۔  صدر مملکت آکھیا جو “پیشہ ور اتے جدید ساز و سامان نال لیس پولیس ای دشمنانِ ریاست دا موثر مقابلہ کر سڳدی اے، اساݙی دعا اے جو اللہ تعالیٰ شہدا دے درجے بلند فرماوے اتے انہاں دے گھر آلیاں کوں صبر و حوصلہ عطا کرے۔