اسلام آباد-6 ستمبر (اے پی پی) پاک بحریہ یوم دفاع عقیدت اتے ملی جوش و جذبے نال منایا۔ سربراہ پاک بحریہ ایڈمرل نوید اشرف نیول ہیڈ کوارٹرز اسلام آباد وچ یادگارِ شہداء تے پُھلاں دی چادر چڑھائی اتے فاتحہ خوانی کیتی، پاک بحریہ دے سربراہ شہداء اتے غازیاں دیاں قربانیاں کوں خراجِ عقیدت پیش کیتا اتے آکھیا جو پاکستان دا دفاع ناقابل تسخیر اے اتے دشمن دی کہیں وی جارحیت …
پاک بحریہ یوم دفاع عقیدت اتے ملی جوش و جذبے نال منایا
اسلام آباد-6 ستمبر (اے پی پی) پاک بحریہ یوم دفاع عقیدت اتے ملی جوش و جذبے نال منایا۔ سربراہ پاک بحریہ ایڈمرل نوید اشرف نیول ہیڈ کوارٹرز اسلام آباد وچ یادگارِ شہداء تے پُھلاں دی چادر چڑھائی اتے فاتحہ خوانی کیتی، پاک بحریہ دے سربراہ شہداء اتے غازیاں دیاں قربانیاں کوں خراجِ عقیدت پیش کیتا اتے آکھیا جو پاکستان دا دفاع ناقابل تسخیر اے اتے دشمن دی کہیں وی جارحیت دا فیصلہ کن جواب ݙتا ویسی۔ امیر البحر آکھیا جو معرکۂ حق وچ پاک بحریہ دی ثابت قدمی اتے مسلسل نگرانی بھارتی بحری ٻیڑے کوں اپݨی آبی حداں تئیں محدود رکھیا۔ نیول چیف مزید آکھیا جو یوم دفاع دیاں تقریبات دا آغاز پاک بحریہ دیاں ساریاں مسیتاں وچ ملک دی سلامتی اتے خوشحالی کیتے خصوصی دعاواں نال تھیا جݙاں جو پاک بحریہ دے سارے یونٹس وچ پرچم کشائی دیاں تقریباں دا انعقاد وی کیتا ڳیا۔ مختلف فیلڈ کمانڈز اتے ہیڈ کوارٹرز وچ وی شہداء دیاں یادگاراں تے پُھل چڑھائے ڳئے اتے فاتحہ خوانی کیتی ڳئی۔ ایں موقع تے پاک بحریہ دے جہازاں اتے یونٹس دی بحری روایات موجب تزئین و آرائش وی کیتی ڳئی۔
