صدر مملکت نے اینٹی ڈمپنگ ݙیوٹیز ترمیمی ٻل 2025 دی منظوری ݙے ݙتی

اسلام آباد – 7 ستمبر (اے پی پی) صدر مملکت آصف علی زرداری اینٹی ڈمپنگ ڈیوٹیز ترمیمی ٻل 2025 دی منظوری ݙے ݙتی اے۔ ایوان صدر دے پریس ونگ توں جاری بیان موجب ٻل دی منظوری دے بعد ڈیوٹیز یکم جولائی 2020 توں مؤثر تھیسن۔ ٻل قومی اسمبلی اتے سینیٹ توں منظور تھیوݨ دے بعد صدر کوں بھیڄیا ڳیا ہئی۔ چینی گرانٹ توں چلݨ آلے منصوبیں تے اینٹی ڈمپنگ ڈیوٹیز لاگو تھیوݨ تے قانونی وضاحت کیتے ٻل منظور کیتا ڳیا۔ اکتوبر 2022 وچ گوادر منصوبیں دی پیشرفت اجلاس وچ ایں ترمیم دا فیصلہ کیتا ڳیا ہئی