وفاقی وزیر اطلاعات عطاء اللہ تارڑ دا سینئر صحافی الفت مغل نال ٹیلیفونک رابطہ، والدہ دے انتقال تے افسوس دا اظہار

اسلام آباد۔ 7 ستمبر (اے پی پی) وفاقی وزیر اطلاعات و نشریات عطاء اللہ تارڑ سینئر صحافی الفت مغل کوں انہاں دی والدہ دے انتقال تے تعزیت کیتے ٹیلیفون کیتا اتے مرحومہ دے ایصال ثواب کیتے دعا کیتی۔ ایں موقع تے وفاقی وزیر اطلاعات آکھیا جو الفت مغل دی والدہ دے انتقال دی خبر سݨ تے دلی افسوس تھیا، ماء ہک انمول رشتہ اے جیندی کمی کݙاہیں وی پوری نئیں تھی سڳدی، ݙکھی خاندان دے ݙکھ وچ برابر دے شریک ہیسے۔ انہاں دعا کیتی جو اللہ تعالیٰ مرحومہ کوں آپݨے جوار رحمت وچ اعلیٰ مقام اتے لواحقین کوں صبر جمیل عطا فرمائے۔ آمین۔