ست ستمبر 1965 دا ݙینھ پاک فضائیہ دی تاریخ دا روشن باب اے، مریم نواز دا یوم فضائیہ تے پیغام

لاہور۔ 7 ستمبر (اے پی پی) وزیراعلیٰ پنجاب مریم نواز آکھیے جو 7 ستمبر 1965 دا ݙینھ پاک فضائیہ دی تاریخ دا روشن باب اے۔ قوم پاک فضائیہ دے شاہیناں دی پیشہ ورانہ مہارت اتے نہ مٹݨ آلیاں قربانیاں کوں خراج تحسین پیش کریندی اے۔ اتوار دے ݙینھ یوم فضائیہ دے موقع تے جاری اپݨے ہک پیغام وچ انہاں آکھیا جو پاکستان ایئر فورس دے ہر افسر اتے جوان کوں خراج عقیدت پیش کریندی ہاں ، 7 ستمبر 1965 دا ݙینھ پاک فضائیہ دی تاریخ دا روشن باب اے۔ وزیراعلیٰ آکھیا جو پوری قوم پاک فضائیہ دے شاہیناں دی پیشہ ورانہ مہارت اتے نہ مٹݨ آلی قربانیاں کوں خراج تحسین پیش کریندی اے۔ فضائیہ دے شاہین صفت پائلٹاں رافیل طیارے ڈھا تے ہک واری ول دشمن تے دھاک ٻلھا ݙتی۔ انہاں مزید آکھیا جو پاک فضائیہ دا ناقابل فراموش کردار دفاعی تاریخ وچ سوہݨے حرفاں نال لکھی ویسی، قوم کوں پاک فضائیہ دے شاہیناں دی پیشہ ورانہ صلاحیتاں، جرات اتے بہادری تے ماݨ اے۔