لاہور-7 ستمبر (اے پی پی) وزیراعظم محمد شہباز شریف ملک دے مختلف علاقیں وچ چھل دی صورتحال پاروں پیٹرولیم مصنوعات دی ترسیل بلا رکاوٹ جاری رکھݨ کیتے خصوصی نگرانی کرݨ دی ہدایت کیتی اے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال وفاقی وزیر پیٹرولیم علی پرویز ملک ملاقات کیتی، ملاقات وچ ملکی سیاسی صورتحال اتے تنظیمی امور تے ڳالھ مہاڑ کیتی ڳئی۔ ملاقات …
وزیراعظم شہباز شریف دی پیٹرولیم مصنوعات دی ترسیل بلا رکاوٹ جاری رکھݨ کیتے خصوصی نگرانی کرݨ دی ہدایت
لاہور-7 ستمبر (اے پی پی) وزیراعظم محمد شہباز شریف ملک دے مختلف علاقیں وچ چھل دی صورتحال پاروں پیٹرولیم مصنوعات دی ترسیل بلا رکاوٹ جاری رکھݨ کیتے خصوصی نگرانی کرݨ دی ہدایت کیتی اے۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال وفاقی وزیر پیٹرولیم علی پرویز ملک ملاقات کیتی، ملاقات وچ ملکی سیاسی صورتحال اتے تنظیمی امور تے ڳالھ مہاڑ کیتی ڳئی۔ ملاقات وچ ملک وچ توانائی دی صورتحال تے تفصیلی ڳالھ مہاڑ تھئی۔ وفاقی وزیر وزیراعظم شہباز شریف کوں توانائی دے شعبے وچ جاری منصوبیں اتے اصلاحات تے بریفنگ ݙتی۔ وزیراعظم ملک دے مختلف علاقیں وچ چھل دی صورتحال پاروں پیٹرولیم مصنوعات دی ترسیل بلا رکاوٹ جاری رکھݨ کیتے خصوصی نگرانی کرݨ دی ہدایت کیتی۔ ملاقات وچ پارٹی امور اتے آندی حکمت عملی تے وی مشورہ کیتا ڳیا۔
