صحافی طیب بلوچ تے تشدد کرݨ آلیاں دے خلاف سخت کارروائی کیتی ویسی، وفاقی وزیر اطلاعات و نشریات

اسلام آباد (اے پی پی)وفاقی وزیر اطلاعات و نشریات عطاء اللہ تارڑ آکھیے جو صحافی طیب بلوچ تے تشدد کرݨ آلیاں دے خلاف سخت کارروائی کیتی ویسی۔ سوشل میڈیا پلیٹ فارم ‘ایکس’ تے آپݨی پوسٹ اچ وفاقی وزیر اطلاعات آکھیے جو صحافی طیب بلوچ کوں صرف اتے صرف اختلاف رائے تے ماریا کٹیا ڳئے جیندے تے سخت کارروائی کیتی ویسی، اے رویہ اصلوں ناقابل قبول اے۔ انہاں آکھیے ڄݙاں دلیل نہ ہووے تاں تشدد دا رستہ چݨیا ویندے، اے انہاں دی سوچ اے جیڑھی عدم برداشت آلی اے، میں ہمیشہ صحافیاں دے نال کھڑاں اتے ایں معاملے اچ وی پورا نال تھیساں۔